30 желтоқсан күні Маңғыстау облысының әкімі Нұрдәулет Қилыбайдың қатысуымен спорт пен білім саласында үздік жетістікке жеткен жастарды салтанатты марапаттау рәсімі өтті.
Ауыл мектептері оқушыларына арналған республикалық пәндік олимпиада жеңімпаздары да лайықты марапатқа ие болды.
Осы шарада Күйкен жалпы білім беретін мектебінің10-сынып оқушысы Жамбылқызы Жансұлу облыс әкімінің арнайы грамотасымен марапатталды.
Жансұлу — Астана қаласында өткен Ауыл мектептері оқушыларына арналған республикалық олимпиадада Қазақстан тарихы пәні бойынша ІІІ орын иегері атанған болатын.
Дарынды шәкіртімізді және оны білімге жетелеген ұстазын , ата-анасын шын жүректен құттықтаймыз! Жетістіктерің арта берсін.
